1916 Macallaí na Cásca 13
Comhghuaillithe na Réabhlóide
Pádraig Ó Snodaigh

Sonraí údarásacha ar na trí comhghuaillí a luadh i bhForógra na Poblachta. Bráithreachas Phoblacht na hÉireann, Óglaigh na hÉireann agus Arm na Saoránach, 1913-1916. Ba mhór an t-ábhar mórtais a bhain leo. Cíorfar go mion an caidreamh a bhí eadarthu agus an comhaidhm réabhlóide acu.
Clúdach: Valerie Seery - 2016.01 - 204lgh -

Macallaí na Cásca 14 Na Laochra seo Againne
Breandán Mac Gearailt

Uimhir 14 sa sraith. Na laochra s'acusan i gCorca Dhuibhne. Óglaigh na Gaeltachta agus Slógadh na Cásca 1916. Seo cuir síos mar a thug 20 Óglach ó pharóiste an Fhirtéaraigh aghaidh ar Thrá Lí de shiúl cos. Ní raibh tuairim acu gur le bualadh le Ruairí Mhic Easmainn agus an lasta mór gunnaí aige ón nGearmáin ar bhord an long Aud do Óglaigh na hÉireann. Seo tuairisc ó bhéal ochtar den bhfiche san a bhí ann beo .
Clúdach: Valerie Seery - 2016.02 - 58lgh -

Macallaí na Cásca 15 Seachtain na Cásca i nGaillimh
Ailbhe Ó Monacháin

Dúirt a lán scríbhneoirí, poblachtaí fiú, go raibh tromlach mhuintir na hÉireann in aghaidh an Éirí Amach go dtí gur chuir an Ginearál John Maxwell na ceannairí chun bháis. Níl sé sin fíor i dtaobh na ndaoine coitianta i nGaillimh. Bhí slua mór Óglach agus cailíní de Chumann na mBan i gContae na Gaillimhe. Go minic le linn na seachtaine sin rinneadh ionsaí ar bheairicí póilíní. Seo scéal Óglach a bhí ann nuair a bhí sé gníomhach le Fir an Iarthair. Fíorscéal.
Clúdach: Ailbhe Ó Monacháin - 2016.04 - 72lgh -

1916 Macallaí na Cásca 16
An tÉirí Amach sa Domhan Thoir
Peter O Connor

Cén scéal faoi Éirí Amach na Cásca a bhí i mbéal an phobal thar lear nó sna meáin i gcéin? sa tSeapáin, An tSín nó an Cóiréa fiú? I 1917 bhí an tuairim ann, gurbh í an Chóiré 'Éire na Seapáine', ag teacht chun cinn. Thart ar an am gcéanna maíodh gurbh í Éire, 'Cóiré na Breataine'. Sliochtanna as roinnt nuachtáin ón Oirthear. Tá an Cóiré roinnte fós, agus Éire . . . .
Clúdach: Toru Takashima - 2016.16 - 48lgh -

Tost agus Allagar
Ailbhe Ní Ghearbhuigh

Bhí sibh ag tnúth go mór leis. An dara chnuasach uaithi. Filíocht láidir liriciúil atá chomh h-uirbeach, idirnáisiúnta, iltíreach is atá sí Éireannach: chomh h-úr comhaimseartha, ach fós féin, fréamhaithe i ndúchas na Gaeilge. Tábhacht na h-urlabhra daonna sa dlúthchaidreamh atá á rianadh i ndánta áirithe. Is í an chaint - dá h-easnamhaí go minic í - sainchomharthas na beatha daonna sna dánta insan cnuasach seo.
Clúdach: Chati Coronel - 2016.05 - 70lgh -

1916 Macallaí na Cásca 17
Inniu 1966

Imleabhar 23 - Eagrán 1916 - cuimhne na h-aiséirí Eagrán d'Inniu a cuireadh i gcló sa bhliain 1966 ag déanamh comóradh 50 bliain ó Éiri Amach na Cásca I gcuimhne Laochra na Cásca & Laochra Ghlún an Bua. Comóradh an chéid le comóradh 50 bliain ó foilsíodh an chéad eagrán chomórtha seo. Altanna ar Tomás Ó Cléirigh, 'Athair' an Éirí Amach, Fianna Éireann, Ní hAmháin Saor Ach Gaelach chomh maith, srl
Clúdach: Inniu - 2016.18 - 16lgh -

Dúthracht - Meascra Staire
Pádraig G. Ó Laighin

Aistí staire, scríobhtha go dúthrachtach is le cáilmheas, ag insint dúinn stair ár laochra cróga. Fíorscéal Fíníní an Phasáiste i gCorcaigh 1865-1868 & Éirí Amach na bhFíníní, 1867. Imeaglú ar an Iarnród i gCo Lú 1871-1880. Na Fíníní, na Ribínigh, na Broadheads lena bhfeachtas Féinrialtais i nDroichead Átha. Cogaíocht sa Mumhan 1647 faoin naimhdeas idir tacaitheoirí Thiarna Inse Cuinn agus tacaitheoirí Thiarna Lisle, ina measc.
Clúdach: Valerie Seery - 2016.11 - 56lgh -

Macallaí na Cásca 18 Macallaí i Meiriceá
John McColgan & Jean Rowlands-Tarbox

Scéalta Éirí Amach na Cásca 1916 i nuachtáin na Stát Aontaithe. Nuachtáin Bhostúin ar an Éirí Amach agus An Scéal san Iarthar - Tuairiscíodh an t-éirí amach ar phríomhleathanaigh formhór na nuachtáin i n-iarthar Mheiriceá. Cé gur chuir an Bhreatain cinsireacht ar an nuacht as Éireann, ní raibh páipéir i mBostúin sásta glacadh leis go raibh an scéal go léir ar fáil. Tá liosta na bhfoinsí nuachta ar chúl. Leabhar spéisiúil agus stairiúil.
Clúdach: ó Leabharlann na Comhdhála - 2016.34 - 48lgh -

Grá Fiar
Louis de Paor

De ghnáth tagann béal saobh le grá fiar. Ach níl aon ní as sceabha sna ndánta sa chnuasach seo. Tá crithir agus cruinneas ag rith tríd na dánta a mbíonn i bhfolach go léitear an líne is deireanaí. Samhlaíotar radharcra dúinn ón phearsa féin. Go minic ag luí isteach ar chrosánacht thraslitrithe ag tiontú go h-ábhair na ndánta, is ag nochtadh na scéilíní beoga. Sa stíl amharctha air atá aige...
Clúdach: Brian Bourke - 2016.06 - 80lgh -

Macallaí na Cásca 20 Óglaigh Chill Áirne 1913-1916
Tomás B. Ó Luanaigh

Tháinig strainséar ó Dhún na nGall isteach i rang Gaeilge An tSeabhaic ar 28ú Samhain 1913. Mhínigh An Seabhach go raibh sé tagtha ó cheanncheathrú Óglaigh na hÉireann le complacht a bhunú i gCill Áirne. Tháinig gach duine sa rang isteach sa chomplacht. Bhí timpeall 120 i gcomplacht Chill Áirne i Meitheamh 1914. I Lúnasa 1914 bhí 2,500 d'Óglaigh na hÉireann ag máirseáil trí Chill Áirne le freastal ar Comórtas na nÓglach agus Oireachtas na nGael 1914.
Clúdach: Óglaigh na hÉireann i gCill Áirne - 2016.42 - 72lgh -

Filí Luimnigh gan iomrá san Ocht hAois Déag
Úna Nic Énrí

Filíocht an 18ú aois ó chontae is ó chathair Luimnigh atá sa leabhar seo. Breis le 50 dán móide nótaí ar na dánta. Séamus Bonfield, Séamus Mac Cinnéide, Aindrias Mac Mathúna, Tomás Midheach, Séamus Ó Dálaigh, Brian Ó Flaitheartaigh, Tomás Ó Gliosáin, Muiris Ó Gríofa, Donnchadh Ó Grádaigh, Tomás Ó Tuama, Éamonn Ó Núnáin agus neart eile. Saothar saibhir, lán le fhilíocht álainn, i nGaeilge ársa Luimnigh. Seod de leabhar é seo.
Clúdach crua: Abhainn na Sionainne - 2016.13 - 333lgh -

Féilire 2017
Eag: Cliodhna Cussen

Féilire 2017. Maisithe go gleoite le h-ealaíon agus le fhilíocht Biddy Jenkinson. Féilire gur fiú do bhalla a mhaisiú leis.
Clúdach: Valerie Seery - 2016.25 - 16lgh -

< ---- Clic ar an chlúdach

BARR

As Tobar an Dhoibhlinigh
arna tiomsú ag Tracey Ní Mhaonaigh

Is é atá anseo ná rogha d'ailt shamplacha a léiríonn a ilchumas scríbhneoireachta agus é i mbun pinn mar aistritheoir, mar chritic, óráidí, seanmóirí, tráchtaire agus mar scríobhneoir cruthaitheach le 64 bliain anuas. Sin éacht scríbhneorachta! Blaiseadh beag den éacht sin atá sa chunasach seo. Má shíleann tú go bhfuil Msgr. Ó Doibhlin ar aithne agat, níl sé seo léite go fóill agat ....
Clúdach crua: Joey Mc Garrigle - 2016.14 - 360lgh -

Éire sa 21ú Aois
Eag: Breandán Mac Cormaic

Imleabhar 5. An 5ú foilseachán agus an 3ú cnuasach de léachtaí a d'eascair as na seimineáir a bhíonn á n-eagrú ag an bhFóram Díospóireachta. Léachtanna a thug; Gréagóir Ó Dúill, Mícheál Cronin, Tom Healy, Magali Giovangelli, John Waters, Liam Mac Cóil, Martin Hawkes, Kevin Scannell, Daniel Innerarity ag seimineár i Mí Mhárta 2013. Tugadh dhá léacht i bhFraincís agus tá na leaganacha Gaeilge ann freisin.
Clúdach: Valerie Seery - 2016.09 - 246lgh -

Pátrún na Sailí
Brian Ó Baoill

Bronnadh duais air ag Comórtas Liteartha Oireachtas na Gaeilge 2015. Bhíodh an scéal ar a bhfuil seo bunaithe á insint sa tSín na mílte blian ó shin.       Dhá éan gorm ag eitilt os ard, Long bhreá seoil ag dul thrar bhráid, Triúir ar dhroichead,1-2-3, Crann mór sailí a shileann síos, Teampail Síneach cois na h-abhann, Taibhseach ina sheasamh ann, Crann úll ansin le bláthanna buí, Is fál fada cam ag bacadh slí.
Clúdach: Brian Ó Baoill - 2016.12 - 48lgh -

Ag dul Anonn
Gréagóir Ó Dúill

Cnuasach nua dánta saoithiúil. Bíonn na dánta ag roinnt radharcanna aoibhinn ar na nádúir, leis an léitheoir. Idir na clúdaigh tá smaointe an bhaird ag leathadh amach ag inse scéal, garraíodóireacht ina measc. Bain taitneamh as: Garraíodóireacht rósanna, Tost, Crann na Beatha, Feall an bhFeallaire agus Rebellion, ina measc . . .
Clúdach: Colm Ó Snodaigh - 2016.17 - 44lgh -

Rabharta agus Meallmhuir i mBéal Feirste
Breandán Mac Maoláin

Saolaíodh an t-údar i Wallasey, Sasana i 1930. Fuair sé a chuid oideachas óna mBráithre Críostaí ar Bhóthar na bhFál. Iar-mhúinteoir bunscoile a thugann a seirbhísí mar shagart trí Gaeilge i bparóistí Bhéal Feirste. Seo h-iad na cuimhní cinn, na h-eachtraí, an cleamhnas síos tríd na ceithre scór bliain sin. Le gearr-scéalta ar nós: Mo Chéad Bhuama agus Mo Chéad Mheaisínghunna. Saol pharóistí Bhéal Feirste
Clúdach: Gleann Aireamh - 2016.10 - 172lgh -

An eala ar a bhfuaid:
Liam Mac Peaircín

Cúirt an Mheán Oíche le Brían Mac Giolla Meídhir (Brian Merriman), i lámha na scríobhaithe. Thart ar 117 cóip de ar marthain sna lámhscríbhinní sa lá atá inniu ann, agus thart ar 75 scríobhaithe. Tá ceithre leagan sa leabhar seo: Dómhnal Mac Cormaic 1796, Tomás Ó Iceadh 1821, John Shannon 1817, Séamus Mac Seaghan Ó Súilleabháin 1847 agus The Midnight Court leagan béarla le Denis Woulfe. Gluais an eolais ar chúl.
Clúdach crua: Liam Mac Peaircín - 2016.15 - 360lgh -

An Séimhiú
Micheál Ó Cearúil

An Caighdeán Oifigiúil, aistriú na reachtaíochta agus gramadach na téarmaíochta. Díshéimhiú ghinideach an ainm bhriathartha. “An bhfágfar an t-ainm briathra gan séimhiú sa ghinideach feasta?” Cuspóir an staidéar seo ná aird a dhíriú ar cé chomh mór mar athrú a bheadh ina leithéid d'athrú ar thraidisiún scríofa na Gaeilge. Seo agaibh: ‘An Séimhiú ar an ainm briathartha agus ar an ainmfhocal éiginnte sa ghinideach ar lorg ainmfhocail eile’.
Clúdach: Caoimhín Ó Baoill - 2016 - 520lgh - AS CLÓ

Rúnscéalta na Vatacáine
Brian Ó Dochartaigh

Cá h-as don Vatacáin? Tá diamhar agus draíocht ag baint leis an stát beag sin de níos lú ná céad acra. Ní h-é sin is ainm dó sa saol idirnáisiúnta. Is é teidil dó go h-oifigiúil ná 'Saint-Siège', an Suí Naofa. Tá sé 2 mhíle bliain d'aois. Is ann a bhualann croí na hEaglaise Caitlicí. Áit é ina bhfuil taisí Phrionsa na nAspal - Naomh Peadar - ina luí faoin ard-altóir. Scéal na Vatacáine ó aimsir Impire Nero 64AD go dtí an lá atá inniu ann agus an 265 pápa a mhair ann.
Clúdach: Valerie Seery - 2016.22 - 120lgh -

Ag Bualadh Clé is Deas
Alan Titley

Idir 2003 agus inniu scríobh an t-údar suas le 700 ailt sa cholún rialta Crobhingne a bhí aige san Irish Times. Seo rogha theoranta (77) de na h-ailt san. Baineann a formhór lenar tharla in Éireann agus thar lear sna blianta sin, ar an bpolataíocht agus ar phearsana éagsúla. Bronnadh 'Colúnaí/Iriseoir na Bliana' cúig h-uaire air de bharr a bhfuil scríofa anseo, an bhliain seo 2016 an ócáid is déanaí dóibh. Leabhar in ómós do na trí muca..
Clúdach: Valerie Seery - 2016.21 - 256lgh -

An Cogadh Mór
Pádraig Ó Duinnín

Cnuasach d'altanna ar an gcogadh mór ón nuachtán Leader (1914-19) a scríobh an Duinníneach. Choimeád sé súil ghéar thuiscineach ar chúrsaí reatha sa bhaile is i gcéin, ag cuir síos orthu agus ar ábhair eile ina cholún rialta sa nuachtán meánaicmeach Caitliceach a bhunaigh Daithí Ó Móráin i 1900. Tugann teidil na h-altanna eochair éigin tuisceanna don léitheoir ar chúrsa an chogadh ó thús go deireadh.
Clúdach: Aindrias Ó Cathasaigh - 2016.24 - 152lgh -

BARR

Gleo Glórmhar na Cásca
Seán Ua Cearnaigh

Gearrscéal atá feiliúnach d'fhoghlaimeoirí Gaeilge. Seo Cathal, déagóir ó Thiobraid Árainn agus na h-eachtraí a bhí aige san Ard-Oifig an Phoist agus é i dteannta a uncail le linn an tréimhse stairiúil - Éirí Amach na Cásca 1916. Scéal bríomhar agus eachtrúil atá lonnaithe i gcroílár na hAiséirí.
Clúdach: Aindrias Ó Cathasaigh - 2016.30 - 56lgh -

An Droch Shaol
Johnathan Ó Néill

Pictiúir-leabhar grafach. Tá An Droch Shaol suite i rith an Gorta Mór, tubaiste a tharla nuair a theip ar bharr prátaí i nÉireann. Scéal ar triúr ógánach, ó Chill Chaoi. Idir 1846-1849, tosaíonn an scéal déanach sa Samhradh 1846, tá an barr prátaí ar tí teipthe don dara h-uair. Leagan Gaeilge de The Bad Times le Christine Kinealy agus John Walsh.
Clúdach: - 2016.33 - 256lgh -

   < ---- Clic ar an chlúdach

1916 Macallaí na Cásca 19
Macallaí san Eoraip

Scéalta Éirí Amach na Cásca 1916 i nuachtáin na hEorpa. Éirí Amach na Cásca & An Pholainn le Mark Ó Fionnáin. Scéal ón Éastóin le Ilmar Lehtpere. Tuairisc na Sairdíne le Laura Sanna. Nuachtáin na hIorua le Roar Madsen & Per Overrein. Nuachtáin Seicise & 1916 le Hana Mášavá. An tÉirí Amach, Mac Easmainn & an Ghinéiv le Torlach Mac Con Midhe.
Clúdach: Valerie Seery - 2016.36 - 48lgh -

BARR

Tír Eile
Gabhán Ó Fachtna

Scéalta ó na críocha gafa agus na críocha i gcéin. Dosaen gearrscéalta nua-aoiseach atá so-léite agus taitneamhach. Finscéalta saolta ina n-airítear cairdeas agus grá, uasal agus íseal, áthas agus brón, ag snaoi tríd na h-eachtraí laistigh. Leabhar scéalta é seo a mbainfidh foghlaimeoirí Gaeilge, déagóirí agus gnáth léitheoirí eile pléisiúr as. .
Clúdach: Valerie Seery - 2016.31 - 176lgh -

Athrú ag Teacht
Aindrias Ó Cathasaigh

Conradh na Gaeilge, ard-fheis 1915 agus Éirí Amach na Cásca. Céard a tharla ag an ardfheis i 1915? Glacadh le rún go mbeidh saoirse na tíre mar chuspóir ag an gConradh. Ligeadh polataíocht isteach don chéad uair, rud a chuir deireadh le ré órga na h-athbheochana, nach ea...? Ach tá an fíorscéal i bhfad níos casta ná an leagan coitianta sin. Tá fiosrú grinn ghéar déanta air don chéad uair sa leabhar suntasach, spéisiúil agus stairiúil seo.
Clúdach: Teachtaí ag ardfheis 1915 - 2016.28 - 182lgh -

Frederick Douglass i nÉireann
Christine Kinealy

Sa bhliain 1845 tháinig Frederick Douglass go hÉirinn ag tabhairt sraith léachtanna. D'fhan sé ar feadh 4 mhí agus d'fhill sé ar Bhéal Feirste 3 uaire in 1846. Thug sé breis le 40 léachtaí i gcoinne an daoirse. Ba chumhachtach an fhianaise phearsanta a bhí sé in ann a thabhairt faoi uafáis na daoirse. Is mór an cuimhne é an bualadh le Dónal Ó Chonaill 'an Fuascailteoir' a bhí in aghaidh na daoirse freisin.
Clúdach: Valerie Seery - 2016.44 - 16lgh -

Ceiliúradh an Bhlascaoid 20
Mícheál de Mórdha

Aimsir na nUasal. Uaisle Chorca Dhuibhne - Cérbh iad féin agus cad a rinneadar? Mar is gnáth bhailigh slua maith le chéile in Ionad an Bhlascaoid ag tús Deireadh Fómhar 2015 chun éisteacht leis na léachtóirí, An Dr. Donnchadh Ó Corráin, Mícheál de Mórdha agus Breandán Ferritéar ag díriú ar ghnéithe fíor-spéisiúil d'aimsir na n-uasal. Tá cuir síos ar thuras chaisleán Phiarais Feritéar ann freisin le Danny Mac Síthigh.
Clúdach: An Bhlascaod Mór - 2016.32 - 120lgh -

Bunchúrsa Albainise
Gabhán Ó Fachtna

Tá leagan den Béarla á labhairt go forleathan i nAlba. Lallans. "The vulgar tongue of the Scots" mar a dúirt Thomas Innes i 1729. Amhail Gaeilge is Gàidhlige tá difríochtaí bunúsacha sa litriú le cuir síos a dhéanamh ar nithe áirithe. fift = fifth, ticht = tight, hail = whole, srl. Bunchúrsa de 20 cheacht Albainise le foclóirín go Gaeilge. Tá cuir síos ann air: An stair ón meán-aois, Téarmaí Ghramadaí agus Tábhacht na Foghraíochta.
Clúdach: Valerie Seery - 2016.38 - 176lgh -

Scéalta as Tír Chonaill (cnuasach 4)
Séamas Mac Manus

An 4ú chnuasach curtha in eagar ag Mícheál Mac Giolla Easpuic. Bailiúchán de 12 gearrscéalta bunaithe ar scéalta a chnuasaigh Séumas MacManus a cuireadh i gcló i Meiriceá ó 1899 ar aghaidh. Scéalta ar nós: An Fear Beag rua, Billí Mac an Bhacstair, An tAthair Dónall & an Ceathrar Fidléir, Laochra Dána Chruach an Ocrais, Iontaisí na dTrí Dhonall, Iníon na Baintrí. Scéalta an-taitneamhach ó thús go deireadh.
Clúdach: Eoghan Mac Aoidh - 2016.39 - 184lgh -

Meanmanra An tSíceolaíocht & an Fealsúnacht
Seaghan Mac an tSionnaigh / Oisín Uíbh Eachach

Cnuasach aistí ó Chomhdháil Meanmanra na bliana 2015. Aistí scríobhtha ag Ríona Ní Churtáin, Risteard Mac Annraoi, Tomás Mac Síomóin, Tríona Ní Shíocháin & Tom Boland, Pádraig Ó Cíobháin, Eoghan Mac Aogáin, Marie Pascal (i bhFraincís) agus an leagan Gaeilge de ó Seaghan Mac an tSionnaigh. Bunstruchtúr na h-inntinniúlachta. Curtha in eagar ag Seaghan Mac an tSionnaigh agus Oisín Uíbh Eachach.
Clúdach: Eoin Beglin - 2016.40 - 160lgh -

Séarlaí Mac Anna & Mé Fhéin
Pádraig Mac Seáin

Seo scéál Séarlaí Mac Anna, seanchaí clúiteach de chuid Theilinn, atá suite idir Sliabh Liag agus an fharraige i nIardheisceart Thír Chonaill. 116 bliain ó shin bhí an-claonadh le ceol, scéalaíocht agus damhsa ag muintir an cheantar. Tá an chuid is fearr de Ghaeilge Theilinn sa leabhar seo agus ar an diosca atá ag dul leis. Curtha in eagar ag: Mícheál Mac Giolla Easpuic.
Clúdach: Valerie Seery - 2016.35 - 164lgh -

BARR

Ó Bhéal Balbháin
Eoghan Ua Conaill

Cnuasach nua-fhilíocht sa Gaeilge. 45 dán bríomhar tréan agus so-léite. Tá soiléireacht, macántacht agus crógacht sna dánta seo. Tá machnamh doimhin déanta ag an bhfile ar cheisteanna achrannacha faoi leith, ach tá greann le brath chomh maith ina véarsaí rithimiúla, dea-chumtha. Leabhar inléite é seo a spreagfaidh smaointe agus mothúcháin láidre sa léitheoir.
Clúdach: an tÚdar + Aidan O Sullivan - 2016.37 - 64lgh -

An Tábla Peiriadach
Primo Levi

Tá An Tábla Peiriadach ina rud an-speisialta. Idirghníomhú eolas as cuimse agus taithí uafásach, móide scileanna liteartha tarchéimnitheacht, atá catalaithe ag ceann eile atá níos deacra a mheas, a d'fhéadfá a thomhais mar - maitheas. Má bhí tú ag lorg leabhar maith, leabhar maith i ngach ciall, is é seo é. An leagan Gaeilge le Matt Hussey.
Clúdach: Valerie Seery - 2016.23 - 256lgh -

Rún na mBradán
Diarmuid Johnson

Cnuasach filíochta. Rogha dánta Gaeilge 2005/2015. Caoga seacht dán slachtmhair ina bhfuil an nádúr ina pháirt lárnach. Filíocht na ngleann, na gcrann, agus scéal i ngach ceann. Déanann sé cuir síos ina dhánta ar an gcumarsáid aige le h-éin. Ach, is mó dáiríre iad na dánta ar nós: Cúl le Tír agus Dhíol mé mo Bhó! Filíocht bádóra, sléibhteora, ó thobar na staire - ó thobar na Gaeilge. Do Gaeilgeoirí ar fud an domhain
Clúdach: Valerie Seery - 2016.29 - 120lgh -

Luascadán Foucault
Umberto Eco

Il pendolo di Foucault nó 'Da Vinci Code an smaointeora' mar cháil. Tá an t-úrscéal satirical seo lán de thagairtí saindiamhra do Kabbalah, Ailceimic agus teoiricí comhcheilge. Tagraíonn an luascadán sa teideal do luascadán a dhear an fisiceoir Léon Foucault a léirigh rothlú an Domhain agus tá tábhachtach siombalach leis insan úrscéal ollmhór seo. An leagan Gaeilge le Matt Hussey.
Clúdach: Valerie Seery - 2016.27 - 530lgh -

An Grá Pósta
Alberto Moravia

Úrscéal chlúiteach, L'amore coniugale. Scéal mór grá nó scéal grá mór. Scéal faoin ngrá - an grá pósta. Tá Silvio is a bhean álainn tar éis bogadh faoin dtuath. Iad le maireachtáil gan gnéas le go mbeadh a dhóthain fuinneamh aige le díriú isteach ar úrscéal clúiteach a scríobh. Bí cinnte, ar ndóigh, go dtarlóidh rud éigin ciotach. Scéal meabhlach casta, sraith de mothúcháin dian agus amhras. An leagan Gaeilge le Matt Hussey.
Clúdach: Valerie Seery - 2016.26 - 144lgh -

COISCÉIM CHUN TOSAIGH !

GACH CEARTA Á CHOSAINT. NÍL CEAD AON CHUID DEN FHOILSEACHÁN SEO A ATÁIRGEADH, A CHUR I GCOMHAD ATHFHÁLA, NÁ A THARCHUR AR AON MHODH NÁ SLÍ, BÍODH SIN LEICTREONACH, MEICNIÚL, BUNAITHE AR FHÓTACHÓPEÁIL, AR THAIFEADADH NÓ EILE, GAN CEAD A FHÁIL ROIMH RÉ ÓN FHOILSITHEOIR NÓ ÓN tÚDAR.
ALL RIGHTS PROTECTED

Eolas faoi imeachtaí Choiscéim - Seoltaí Leabhair - Leabhair Nua - Seol post-d chuig: leabhairgaeilge [a] eircom.net

  
BÍ AR AN EOLAS ! BÍ AR ANLIOSTA !

SUÍOMH    SNÁTHA     TEANGANAGAEILGE[a]VODAFONE.IE