An Fraoch trí Thine

Tráth a raibh Cogadh na Talún ar siúl i nÉirinn, bhí troid den chineál céanna á cur ag na croiteoirí i nGarbhchríocha na hAlban. Fiosraíonn an leabhar seo tionchar na hÉireann ar ‘Cogadh na gCroitéirí’ sna 1880idí, go háirithe ar an Eilean Sgitheanach. Míníonn sé cúlra na comhghuaillíochta a rinneadh idir leasaitheoirí chóras na talún sna Garbhchríocha agus in Éirinn. Scrúdaíonn sé an eagla a bhí ar údaráis na Breataine go mb’fhéidir dá gcol ceathracha in Éirinn Gaeil na hAlban a spreagadh chun éirí amach. Nochtann sé cuid den teannas taobh istigh de náisiúnachas na hÉireann agus Micheál Mac Daibhéid is a lucht tacaíochta ag baint leasa as Albain le leasuithe sóisialacha a chur chun cinn, cé go raibh sé dílis i gcónaí do Parnell, de réir cosúlachta, maidir le cúis an rialtais dúchais i gcoitinne.