Roinnt Scéalta ó na Hasadaeigh

Duine d’fhealsúna móra an fhichiú céad ab ea Martin Buber (1878-1965). Ag tarraingt ar thraidisiúin an Ghiúdachais chomh maith lena chuid machnaimh féin, ba phearsa mhór i saol na hintleachta i lár na hEorpa é go dtí gur tháinig na Naitsithe i réim, ach lean sé dá chuid saothair san Iarúsailéim. Phléigh a leabhar Ich und Du (Mise agus Tusa) le tábhacht na dialóige, ag áitiú gur gá dúinn labhairt go cothrom le chéile mar dhaoine seachas mar rudaí seachtracha. Chaith Buber daichead bliain ag bailiú scéalta a bhain le béaloideas agus creideamh na nGiúdach. Tá roinnt scéalta seo na Hasadaech aistrithe ag Isobel Ní Riain anseo, chomh maith le réamhfhocal agus nótaí mínithe. Léirgas ar leith atá le fáil iontu.